ფსიქოდიაგნოსტიკა
ფსიქოდიაგნოსტიკა მიზნად ისახავს სხვადასხვა ფსიქოლოგიური მდგომარეობების ზუსტ შეფასებასა და გაგებას. ჩვენი გუნდის გამოცდილი სპეციალისტები იყენებენ მეცნიერულად დადასტურებულ ინსტრუმენტებსა და მეთოდებს კოგნიტური, ემოციური და ქცევითი ფუნქციონირების შესაფასებლად. შეფასება იძლევა მნიშვნელოვან ინფორმაციას ფსიქიკური ჯანმრთელობის ისეთ სირთულეებზე, როგორიც არის შფოთვითი, გუნება-განწყობის ან სხვა სახის აშლილობები. ფსიქოდიაგნოსტიკური სერვისი მორგებულია ინდივიდის პირად საჭიროებებზე და ხელს უწყობს მკურნალობის ინდივიდუალური გეგმის შემუშავებასა და წარმართვას, რაც საბოლოო ჯამში, უზრუნველყოფს მკურნალობის ეფექტურობას.
ფსიქოდიაგნოსტიკა მოიცავს შემდეგ მეთოდებს:
პირველადი შეფასება:
ამ ეტაპზე, ხდება ინფორმაციის შეგროვება ინდივიდის მახასიათებლების და პრობლემების შესახებ. იგი შესაძლოა მოიცავდეს ინტერვიუს ინდივიდთან და მათი ოჯახის წევრებთან.
კლინიკური ინტერვიუ:
სტრუქტურირებული ან ნახევრად სტრუქტურირებული საუბარი კლინიცისტსა და ინდივიდს შორის, რომლის მიზანი არის მენტალური ჯანმრთელობის შეფასება, პირადი ისტორიის შეგროვება, სიმპტომების კვლევა და პრობლემების კონტექსტის გაგება. ამ პროცესში შესაძლოა საუბარი შეეხოს ოჯახის ისტორიას, ტრავმებს, ცხოვრების მოვლენებს და სხვა ხელისშემშლელ ფაქტორებს.
ფსიქოლოგიური ტესტირება:
სტანდარტიზირებული ტესტები ხშირად გამოიყენება კოგნიტური შესაძლებლობების, ემოციური ფუნქციონირების, პიროვნული მახასიათებლების და კონკრეტული ფსიქიკური ჯანმრთელობის პრობლემების შესაფასებლად. ცენტრში გამოყენებული ტესტები მოცავს მეხსიერების, აზოვნების, ინტელექტის, ყურადღების კონცენტრაციის სავარჯიშოებს. ისევე როგორც ზოგადი ფსიქიკური ჯანმრთელობის (PHQ), ობსესიურ-კომპულსიური აშლილობის სიმწვავის, დეპრესიის, შფოთვისა და სხვა ფსიქიკური სირთულეების შესაფასებელ ინსტრუმენტებს.
საბოლოო შეფასება:
ფსიქოდიაგნოსტიკური პროცესის ბოლო ეტაპია საბოლოო შეფაება, მკურნალობის დასასრულს, ადამიანის მდგომარობის მონიტორინგისა და ჩატარებული მკურნალობის შედეგების ეფექტურობის შეფასების მიზნით.