რა არის დღის ცენტრი?
დღის ცენტრი (დღის სტაციონარი) წარმოადგენს საერთაშორისოდ აპრობირებულ, მაღალეფექტურ, კომპლექსურ მკურნალობის მეთოდს, რომელსაც პაციენტი სასტუმროს ტიპის, ოჯახურ გარემოსთან მიახლოებულ პირობებში იღებს.
სტუმარი ცენტრში მხოლოდ დღის განმავლობაში იმყოფება (11:00-16:30).
ამ სერვისის ფარგლებში ადამიანს ეძლევა საშუალება, ჩაიტაროს სიღრმისეული, მრავალფეროვანი და სრულფასოვანი მკურნალობის კურსი კომფორტულ გარემოში, ისე, რომ სრულად არ მოწყდეს მის ჩვეულ გარემოს.
ჩვენი მიზნები
ჩვენი მიზანია არა მხოლოდ სიმპტომების და დაავადებების მკურნალობა, არამედ ადამიანის ცხოვრების წესის, მისწრაფებების, მიზნების და სურვილების გათვალისწინება და პიროვნების ფსიქოლოგიური კეთილდღეობის აღდგენა.
კლინიკა ორიენტირებულია საერთაშირისო, უმაღლესი სტანდარტების, უსაფრთხო და კომფორტულ მკურნალობაზე. ასევე აღსანიშნავია, რომ თითქმის არ ვიყენებთ იმ მედიკამენტებს რომლებსაც დამოკიდებულების გამომწვევა შეუძლიათ!
ვისთვის არის განკუთვნილი დღის ცენტრის სერვისი ?
დღის ცენტრის სერვისის საჭიროება ჩნდება შემდეგ შემთხვევებში:
- ფსიქოზური რეგისტრის პრობლემის პირველადი ეპიზოდი ან მისი გამწვავება;
- წარსულში რეზისტენტული და არაეფექტური მკურნალობის გამოცდილება;
- მედიკამენტების შიში ან მათი “აუტანლობა”;
- ორი ან მეტი ფსიქიკური პრობლემის თანაარსებობა;
- დამოკიდებულებები (ალკოჰოლი, ნარკოტიკი, მარიხუანა, ფსიქოტროპული მედიკამენტები);
- აზარტულ თამაშებზე დამოკიდებულება.
სერვისები, რომელსაც დღის ცენტრი გთავაზობთ :
- მულტიდისციპლინური გუნდის ჩართულობა: ფსიქიატრები, კლინიკური ფსიქოლოგები და ფსიქოთერაპევტები აქტიურად მონაწილეობენ მკურნალობის პროცესში.
- ყოველდღიური კონსულტაციები ფსიქიატრთან და ფსიქოლოგთან: მდგომარეობის დინამიური მონიტორინგისა და დანიშნულებების მართვისთვის.
- მედიკამენტოზური მკურნალობა
- ფსიქიკური ფუნქციების და ხასიათის კვლევა: საერთაშორისო ინსტრუმენტებისა და კლინიკური ინტერვიუს საფუძველზე.
- ფსიქოთერაპია: ინდივიდზე მორგებული მეთოდოლოგიებით (კოგნიტურ-ბიჰევიორალური, ეკლექტური, გეშტალტ თერაპია )
- თვალის დესენსიტივაციისა და რეპროცესირების თერაპია (EMDR)
- ჯგუფური თერაპია და არტ თერაპია
- ფსიქოგანათლება: ცოდნის გაღრმავება ფსიქიკური ჯანმრთელობის და მისი მართვის შესახებ.
- ოჯახის წევრებთან კონსულტაცია: პაციენტის ნებართვით, მისი სურვილის შემთხვევაში, ოჯახის წევრებისათვის საჭირო რეკომენდაციების გაცემა.
- ფსიქო-სოციალური რეაბილიტაცია: გეგმის პირველი ეტაპის იმპლემენტაცია კლინიკის ფარგლებში.
- გაფართოებული კონსილიუმები: ჩვენი სპეციალისტების გუნდთან ერთად პროფ. გუგა სიხარულიძე რეგულარულად ატარებს შეხვედრებს, რომლის ფარგლებშიც სიღმისეულად განიხილება ყველა პაციენტის კონკრეტული შემთხვევა და დგება სამკურნალო გეგმა. აღნიშნული მულტიდისციპლინარული შეხვედრები უზრუნველყოფს მკურნალობის მაღალ ეფექტურობას.
დღის ცენტრში დაგხვდებათ :
- კომფორტული და უსაფრთხო გარემო;
- ინდივიდზე მორგებული მკურნალობის კურსი
- პროფესიონალებისგან შემდგარი გუნდი https://mentalclinic.ge/about/
- თანამედროვე მიდგომები და მკურნალობის მეთოდები https://mentalclinic.ge/treatment-methods/
- ფსიქიკური ჯანმრთელობის გაუმჯობესებისთვის იდეალური გარემო https://mentalclinic.ge/image-gallery/
ჩვენს დღის ცენტრის ვიდეორგოლში თქვენ გაქვთ შესაძლებლობა მიიღოთ უფრო მეტი ინფორმაცია სერვისის ტავისებურებების და უპირატესობების შესახებ.
https://www.youtube.com/watch?v=a6TvUhDM3iQ
