ჩვენ შესახებ

კონსულტაციის ორგანიზების გზამკვლევი

👤

კლინიკის ფსიქიატრთან და ფსიქოლოგთან კონსულტაცია ხორციელდება წინასწარი ჩაწერით, ადმინისტრაციასთან სატელეფონო ზარის საშუალებით.

👤

გუგა სიხარულიძესთან კონსულტაცია

შესაძლებელია როგორც წინასწარი ჩაწერით, ასევე ცოცხალი რიგით.

ა) წინასწარი ჩაწერა:
მომდევნო თვის კონსულტაციაზე ჩაწერა იწყება ყოველი თვის 20 რიცხვში.

ბ) ცოცხალი რიგი:
ცოცხალი რიგი მოქმედებს ორშაბათიდან პარასკევის ჩათვლით.
რიგში ადგილის დასაკავებლად რეკომენდებულია მოსვლა 10:00 საათიდან.
(სასურველია ადმინისტრაციასთან დაზუსტება კონკრეტულ დღეს სამუშაო გრაფიკის შესახებ)

🌍 ონლაინ კონსულტაცია ხელმისაწვდომია მხოლოდ საზღვარგარეთ მცხოვრები პაციენტებისთვის.

ამბულატორიული სერვისები

🩺 ფსიქიატრის კონსულტაცია

🧠 ფსიქოლოგიური სერვისები:
• ინდივიდუალური ფსიქოთერაპია
• EMDR თერაპია
• არტ–თერაპია
• ფსიქოდიაგნოსტიკა
• კოგნიტიური უნარების და ყურადღების კონცენტრაციის კვლევა

დღის სტაციონარი

🏥დღის სტაციონარის სერვისი განკუთვნილია პაციენტებისთვის, რომელთაც მდგომარეობის სპეციფიკიდან გამომდინარე შეიძლება დასჭირდეთ სიღრმისეული, კომპლექსური და ინტენსიური, დღის რეჟიმზე მორგებული მხარდაჭერა.

🧩დღის სტაციონარი მოიცავს შემდეგ სერვისებს:

• ფსიქიატრის ყოველდღიური კონსულტაცია
• მედიკამენტური მკურნალობა და დანიშნულების დინამიური მართვა
• ინდივიდუალური ფსიქოთერაპია
• ჯგუფური ფსიქოთერაპია
• ფსიქოდიაგნოსტიკა
• არტთერაპია

📞 კლინიკის ტელეფონი: +995 32 2 440 550

ცენტრი დაფუძნდა 2017 წელს პროფესორ გუგა (გიორგი) სიხარულიძის მიერ და დღემდე წარმოადგენს ფსიქიკური ჯანმრთელობის ინტეგრირებულ სამედიცინო, საგანმანათლებლო და სამეცნიერო სივრცეს.
ჩვენი მიზანია შევქმნათ გარემო, სადაც პაციენტებს, სტუდენტებსა და მკვლევრებს ერთდროულად აქვთ წვდომა თანამედროვე, მტკიცებულებებზე დაფუძნებულ მკურნალობაზე, მაღალ ხარისხიან განათლებასა და აქტიურ კვლევით პროცესებზე.

სამი მიმართულება — ერთი მისია

ცენტრი აერთიანებს სამ ძირითად მიმერთულებას:

1. სამედიცინო მიმართულება — მკურნალობა და ფსიქოთერაპია

დაარსებიდან დღემდე, ჩვენი გუნდი მუშაობს საერთაშორისო სტანდარტების შესაბამისად — ინდივიდზე მორგებული, კომფორტული და ეთიკურად გამართული მკურნალობის მეთოდებით.
ჩვენი მთავარი მიზანია პაციენტების დახმარება და მათი ცხოვრების ხარისხის გაუმჯობესება.

2. საგანმანათლებლო მიმართულება — მომავალი პროფესიონალების მომზადება

ცენტრი ახორციელებს საერთაშორისო სტანდარტის შესაბამის საგანმანათლებლო პროგრამებში, მათ შორის:

• კლინიკური ფსიქოლოგიის 1.5–2 წლიანი თეორიულ-პრაქტიკული პროგრამა (internship),
• რეზიდენტურა ფსიქიატრიაში,
• მასტერკლასები, სემინარები და სპეციალიზებული ტრენინგები პროფესიონალებისთვის.
  ჩვენი მიზანია თანამედროვე ცოდნის გაზიარება და ახალი თაობის სპეციალისტების მხარდაჭერა.

3. სამეცნიერო მიმართულება — კვლევა და განვითარება

ცენტრი აქტიურად მონაწილეობს როგორც ადგილობრივ, ისე საერთაშორისო კვლევებში.
სამეცნიერო მიმართულებას ხელმძღვანელობს დოქტორი გუგა (გიორგი) სიხარულიძე, რომელიც ამჟამად მოღვაწეობს ლეიდენის უნივერსიტეტში (LUMC) თავისი მეორე სადოქტორო დისერტაციის ფარგლებში.
კვლევითი მუშაობა ფოკუსირებულია:

• სტრესსა და ფსიქიკურ ტრავმაზე,
• კომორბიდულ დაავადებებზე,
• კვებით აშლილობებზე,
• სამხედრო ფსიქიკური ჯანმრთელობის სპეციფიკურ გამოწვევებზე.

ცენტრის ერთ-ერთ უმთავრეს მიზანს წარმოადგენს ფსიქიკური ჯანმრთელობის სფეროში ცოდნის განვითარება, თანამედროვე საერთაშორისო სტანდარტების დანერგვა და მტკიცებულებებზე დაფუძნებული პრაქტიკის ხელშეწყობა. ამ მიზნით, კლინიკა აქტიურად მონაწილეობს როგორც ადგილობრივ, ისე საერთაშორისო კვლევით-სამეცნიერო პროცესებში.

საერთაშორისო სამეცნიერო აქტივობებში ჩართულობა გვაძლევს საშუალებას:

• მუდმივად განვაახლოთ ცოდნა და პროფესიული სტანდარტები,

  
  

• სწრაფად მოვერგოთ ფსიქიკური ჯანმრთელობის სფეროში არსებულ თანამედროვე გამოწვევებს,

  
  

• დავნერგოთ პროგრესული, მეცნიერულად დასაბუთებული მეთოდები კლინიკურ პრაქტიკაში.

  
  

  ჩვენი კვლევითი თანამშრომლობა ხორციელდება როგორც ქართულ, ისე წამყვან უცხოურ ინსტიტუტებთან, მათ შორის ლეიდენის უნივერსიტეტთან (Leiden University Medical Center – LUMC), რომელიც ფსიქიკური ჯანმრთელობის კვლევის ერთ-ერთი წამყვანი ცენტრია ევროპაში.

  
  

  🔗 Leiden University Medical Center (LUMC)
  https://www.lumc.nl/ 

სამეცნიერო მიმართულების ხელმძღვანელი

კლინიკის სამეცნიერო მუშაობას ხელმძღვანელობს გუგა (გიორგი) სიხარულიძე, ექიმი-ფსიქიატრი.

გუგა სიხარულიძე ამჟამად მოღვაწეობს ლეიდენის უნივერსიტეტში (LUMC), სადაც მუშაობს თავისი მეორე სადოქტორო დისერტაციის ფარგლებში და მონაწილეობს თანამედროვე საერთაშორისო კვლევით პროექტებში. მისი მუშაობა ფოკუსირებულია ფსიქიკური ჯანმრთელობის, ნეირობიოლოგიის, სტრესისა და ტრავმის ურთიერთკავშირების მეცნიერულ შესწავლაზე.

ლეიდენის უნივერსიტეტში მიმდინარე კვლევითი საქმიანობა არის მისი პროფესიული პრაქტიკისა და სამეცნიერო სტრატეგიის მნიშვნელოვანი ნაწილი, რაც პირდაპირ აისახება ჩვენი კლინიკის კვლევით და კლინიკურ სტანდარტებზე.

კვლევითი ინტერესები მოიცავს:

• სტრესი/ტრავმა და მათთან ასოცირებულ მენტალურ დარღვევებს
• კომორბიდული დაავადებების, მათ შორის მათი ბიო-ფსიქო-სოციალური ურთიერთქმედებების შესწავლას
• ფსიქიკური პრობლემების მართვის თანამედროვე ინტერვენციებს
• კვებით აშლილობებს და მათ ნეირობიოლოგიურ საფუძვლებს
• სამხედრო ფსიქიკური ჯანმრთელობის სერვისების განვითარებასა და მენეჯმენტს

 Google Scholar — სამეცნიერო პუბლიკაციები

გუგა სიხარულიძის სამეცნიერო ნაშრომებისა და ციტირების სრული სია ხელმისაწვდომია Google Scholar-ზე:

🔗 Google Scholar პროფილი
https://scholar.google.com/citations?hl=en&user=vxhJaPEAAAAJ

ჩვენი მიზანია თანამედროვე, საერთაშორისო უმაღლესი სტანდარტების შესაბამისი საგანმანათლებლო პროგრამების განხორციელება. კლინიკის დამფუძნებელი პროფ. გუგა სიხარულიძე 2011 წლიდან აქტიურად ეწევა სასწავლო და აკადემიურ საქმიანობას სხვადასხვა უნივერსიტეტებსა და პროფესიულ პლატფორმებზე, რაც საფუძვლად უდევს ჩვენი საგანმანათლებლო მიმართულების განვითარებას.

მიმდინარე საგანმანათლებლო პროექტები:

კლინიკური ფსიქოლოგიის თეორიულ-პრაქტიკული პროგრამა (internship).

ჩვენი ცენტრი პირველი იყო საქართველოში, რომელმაც დანერგა სრული 1.5–2 წლიანი ინტეგრირებული პროგრამა, რომელიც უზრუნველყოფს კლინიკური ფსიქოლოგის პროფესიულ ჩამოყალიბებას.

პროგრამა ეფუძნება საუკეთესო საერთაშორისო პრაქტიკას და აერთიანებს:

• თეორიულ სწავლებას,
• პრაქტიკული უნარების განვითარებას რეალურ კლინიკურ გარემოში,
• სუპერვიზიებსა და მრავალდარგობრივ თანამშრომლობას.

თეორიისა და პრაქტიკის ერთობლივი, სისტემური განვითარება არის კლინიკური ფსიქოლოგის მომზადების ერთადერთი აპრობირებული და ეფექტური მეთოდი, რაც სრულად ასახული არის ჩვენი ცენტრის საგანმანათლებლო მოდელში.

რეზიდენტურა ფსიქიატრიაში

პირველად საქართველოში კერძო რეზიდენტურა ფსიქიატრიაში.

2025 წლიდან, ქართულ-ამერიკულ უნივერსიტეტთან თანამშრომლობით, ჩვენს კლინიკის ბაზაზე ხორციელდება სრული, 3 წლიანი რეზიდენტურის პროგრამა ფსიქიატრიაში.

პროგრამის მიზანია ახალი თაობის ფსიქიატრების მომზადება უმაღლესი საერთაშორისო აკადემიური და კლინიკური სტანდარტების შესაბამისად. ჩვენი რეზიდენტরা იღებენ:

• თანამედროვე, მტკიცებულებებზე დაფუძნებულ მიდგომებზე დაყრდნობილ მომზადებას.
• ინტენსიურ თეორიულ სწავლებას,
• პრაქტიკულ გამოცდილებას მრავალპროფილურ გარემოში